[عبدالله الشويمان]

المشاركة الأصلية كتبت بواسطة فلاح بن منشار

يالله ياعالم دقيقات الاسرار = ياواحدٍ ماخيب الي استخاره
يارازق المخلوق مسلم وكفار = يامعطي ابن ادم بقصد اختباره
ارفق بنا يالله من اطماع فجار =فيهم جشع يارب زايد عياره
من يوقف التجار عن رفع الاسعار=وين الرقابه ياوزير التجاره
كلٌ على كيفه ويقلون شطار = راح المواطن في سباق الشطاره
في سوق الاسهم ماكسب سهم الاعمار=والراتب محوش لراعي العماره
من وين ناكل ياطويلين الاعمار =كلٌ شكى اهل الدين عند الاماره
الشعب نصه مالقى حق الافطار = والبعض بطل مايروح الخفاره
ماظن ذا يخفى على اصحاب الابصار= والوضع ماباقي يكون انفجاره
الكيل فاض وغابوا الناس الاخيار= لاحد يلوم المبتلى بانشطاره
دام ان هذا دأ بنا ياهل الانظار = خوفي يجينا مثل ماجاء العماره
او يبتلينا الله بما حل الانبار = من عقبها كلٌ يحس الخساره
يالله طلبتك تقطع الناس الاشرار =وارحم بلدنا من غلاء ساق ناره

بيض الله وجهك بنور الطهاره يا اخ فلاح.

قصيده جزله يا الجزل.

المجتمع يعاني مشكلة من الغلاء .واللي شبعان ما يحس في معاناة الجوعان.

والجشع صار شطاره كما ذكرت.

لا حول ولا قوة الا بالله.

دمت بخير اخي العزيز