لاجيت ابكتب عن جمالـك .. تراجعـت=كـل القصايـد مـن جمالـك .. تهابـك
كنك ﴿ شبيه الشمس ﴾ من نظرتك ضعت=حتى القمر من نور وجهـك .. سرابـك
يطيح حرفي دون وصفك لو ابدعت=ماياصـل إحـدود الثـرى فـي ترابـك
فرضت حسنك ﴿ للملا ﴾ حيـل واقنعـت=سبـحـان رب ٍ صــوّرك واعتنـابـك
شف منزلـك .. بيـن الحنايـا تربعـت=لامايليـق بغيـر .. حضـرت جنـابـك
انت الوحيد اللـي لـه القلـب طوّعـت=منك إستلـذ الجـرح .. حتـى عذابـك
متّ بغرورك كيف .. لامن تواضعت=احـس كـن الكـون .. قـام وزهابـك
قربك حياتي يا﴿ فدى ﴾ روح من طعـت=فيك ابتـدا معنـى الغـلا .. وانتهابـك
حبك ملكني ليـن ﴿ همـت ﴾ وتولعـت=وش باقي اكثر .. من خفـوق ٍ غدابـك
إليا فقدتك ضاقت الحـال وارتعـت=لحظات موتـي لـو تصـور .. غيابـك
عن حب غيرك كل الابـواب .. شمعـت=مافيه بـاب ٍ بالهـوى غيـر .. بابـك
ومدام كل اشعور فينـي لـك اخضعـت=ماهي غريبـه .. لـو حروفـي تهابـك