ياشوي حالي من هموم الفطاحل = مثل الدجاج اللي شواه اليماني
كني مجند ضمن خفر السواحل = اساهره وارعاه حتى الأذاني
الشوف قل وعودي اليوم ناحل = ولا من يشيل الحمل مهما اعاني
كن الفطاحل قهوةٍ عند ساحل = ونا المباشر .. ارحبوا ...في ثواني
والمشكله لاوصل تفكير ضاحل= حصني يتلمض ضاريٍ بالسواني
وإلاّ عقل لازال بالفكر قاحل = يبي على كيفه يسير الزماني
يلبس رداء الدين لو كان ماحل = يفتي بما لاهو علم من معاني
هذا وغيره من لفوا بالرواحل = لاهداف مكشوفه لهم علم ثاني
وتبقى الفطاحل للرجال الفطاحل= اللي بزين الفكر فوق العناني