تسعين ليل(ن) والهوى فيه تشكيك=ثلاثه اشهور(ن) على درب الاشواك
تلعب على قلبي باساليب تكتيك=فن المهاره تتقنه لاعدمناك
خليتني هايم على ذكر طاريك=اسهر ليالي طايله لاجل ذكراك
يفز قلبي فزة(ن) في حراويك=ولو تطلبين القلب ماضني اعصاك
اقول دوك القلب ربي يخليك=قلب المولع بالهوى كله افداك
اخذه هديه لاجل نظرات عينيك=ياويل قلبي لاغمزتي بعيناك
فانوسك السحري وشبيك لبيك=تاتي مطاليبك على كف يمناك
لو الطلب مليون مجموع في شيك=امر(ن) طبيعي يالغضي قلت لك هاك
عطيتك اقليبي وانا ميت(ن) فيك=ماهو ورق ياصاحبي داخل ابواك
واهم شي(ن) يالغضي خاف واليك=لاتختفي ساعات والنفس تهواك