[ابومياس]

المشاركة الأصلية كتبت بواسطة عبد الرحمن بشير الصباح

دنيتك مثل الرحاه اللي تدور=والبشر كالحب في و سط الرحاه
او كما قدرن على ناره يفور=يطبخ ا لايا م وا حدث ا لحياه
والرحاه بقلبها حب وقشو ر=والقشو رتطير لا منه ذراه
دارت الايام دورات السيور=وابن ا دم ما لحق فيها مداه
وا لقدر مكتوب باكتاب وسطور=ثابتن ماحد من ا لعا لم محاه
ماخطاك من القدر لو نك حذور=ومايصيب ا لا دمي شين خطاه
مادرى الانسان يالحد بالقبور=او يقولوا نا ر فيها كا لشواه
او يقولوا وسط غبات البحور=والسمك وا لحوة يا كل ماحواه
او يقولوا راح بافواه النسور=او سقط في بير مقسومه رماه
او يقولون انكسر عدة كسور =و بعد ساعه قا م دكتوره نعاه
واحفرو له قبر باقياس الشبور=وبالكفن لفوه وغطو ا با لعباه
وانلحد و الناس من عنده نفور =واتركوه ابقبره اللي ما بغاه
رحمتك يارب في يوم النشور=يوم ما ينفع ولد فيها اباه
ثبت الايمان في و سط الصدور=يالله اللي كل خلقه في رجاه
صالح الاعمال ماعمره يبور=والعمل لا شان لابن ادم رماه
رازق الانسان واضعاف الطيور=ورازق الداب العمى في فتح فاه
داب في جحره عجز حتى يدور ==كافله واحد تكفل في غذاه
هذه الايام تعطي او تجور=ورزقك المقسو م ماغيرك خذاه
ناس فيها مالقى لقمة فطور=وبالمزابل نا س زايد من غداه
وناس فيها تشتري زين البخور=وفيه ناسن مالقى فيها دواه
وفيه ناسن صام ماعنده سحور=وفيه ناسن بايعن فيها عشاه
لا يغرك لو ملكت من القصور=النهايه بالثرى فوقك حصاه
ماحدن بالكون يعلم ما يدور=غير واحد ما حدن في مستواه
لارزقك الله بالنعمه شكور=ومن شكر ربه يزود في عطاه
والغنى مايتفق معه الفجور=وكم غني من الزنى ماله فناه
والقناعه كنز بالرزق اليسور=قالها قبلي كثير من الرواه
ولاتطالب دين من رجل امعسور=يسر امره لين يقضي في وفاه
ومن عملك طيب لاتجزه نكور=عامله في طيب وامشي في جزاه
والضعيف ابخاطره خلك جبور=وفي قريبك لاتجي لاهل الوشاه
والصديق الياحصل منه قصور=عاتبه واذهن تطو ل في جفاه
ولاطلب منك العذر قول امعذور=وادمح الزلات وامشي في رضاه
ووالدينك في تعاملهم برور=وبعد بكر ه الولد دينك قضاه
ولاتقول اف ولافيهم زجور=وقول حاضر في جميع اللي يباه
واليتامى لاتقابلهم نهور=مثل بعض الناس زايد في قسا ه
ولا تقابل من يجيلك في فتور=اضحك ابوجهه وهلي في نباه
ولارقيت المنصب اذهن تجور= تنحدر في يوم وغيرك اعتلاه
كرسين دوار بالسرعه فرور=واحدن يرميه وجاب اللي وراه
وانتبه واذهن تخلط الحق زور=ولاتشمت مبتلى ربه بلاه
ومن زرع ورده جنىمنهاعطور=ومن زرع له شوكتن شكت يداه
اطلبك يارب انا قلبن صبور=يوم بالشدات ما يشكي عناه
لوزمانه صار في حالة دبور=ماشكى للناس من وقتن ضناه
ونذكر الله سر واللا بالجهور= والنبي الهاشمي نتبع خطاه

جزلة من اوولها الى اخرها

صح لسانك وعاش راسك

سجل اعجابي

دمت بخير