توك تجي وتقول لي كنت مشتاق = توه لهيب الشوق ذوّب جليدك
توك عرفت الحب وآهات الاشواق = تو الغرام لحب قلبي يعيدك
توه صحى قلبك ومن غفلته فاق = توك عرفت اللي يبيك ويريدك
وين أنت يوم إنك هنا وسط الأعماق = والقلب متحمّل صدودك وكيدك
وين أنت قبل اتغيب شمسك بالإشراق = ومن قبل لاتعلن عروقي شديدك
خلاص حبري جف وأحرقت الأوراق = ماعدت ابيك اليوم والله يبيدك
مابيك لو اتصيح واتجف الأرياق = وتنزف عروقك دم معها صديدك
إفراق ثم إفراق وإفراق وإفراق = فرقاك عيد ورح دوّر لعيدك
بطلت أغني الحب بألحان عشاق = ماني شهيد الحب ولاني شهيدك
بالمختصر لو تنطبق سبع الأطباق = إني لازيدك غيض والله لأزيدك