[الطائر المهاجر]

طيب كلام جميل ، لكن نبي كل واحد او وحدة من المتزوجين يقول لنا لو مقطع مما يدور بينه وزوجته او زوجها
مثل التالي:
الزوجة : السلام عليكم
الزوج : وعليكم السلام ، ويستمر في العمل في الإنترنت ولم يلتفت
والله اليوم ياهي قصة : مسكينة امي ، هبل بها اخوي
الزوج : (وقد عرف أنها ستعيد تشغيل اسطوانة قديمة) ، والله يانا لمحت قبل شوي
فلم خطير ، لكن مع الأسف مشغول ما اقدر اتابعه ، ثم يفر الرسيفر ، يدور فلم مصري
حصل له واحد ، فيه اثاره ..
الزوجة : هذا هو
الزوج نعم
الزوجة : بس خلني تكفى اشوفه ..
وبالفعل تابعت مشاهدة الفلم ، والزوج كمل عمله ، لكن تبي تعلمه وش اللي يحصل أول بأول
الزوج : بينه وبين نفسه ، ماخلصنا ، لازم اقوم اشغل لها الرسيفر اللي في الصاله ، ثم طمر ، وقال
تعالي فيذا ، اعوذ بالله ناشف حلقي ، لا قهيوه ولا شاهي ،
وتطمر الزوجة ، الله يقلعها ذا الشغالة انا قايلة لها تسوي القهوة وتحطها في الصالة ،
الزوج ماعليش ، مسكينه أكيد نامت ، عطيني ولاتهونين قطيرة مويه ، وقام الرجال وشغل الرسيفر
وحطه على نفس الفلم ، جابت الزوجة الماء ، وفقت كشرتها تتابع الفلم ، وهو انسحب بهدوء ودخل يكمل شغله ..