السلام عليكم ....
جديد ا ليوم عسى ينا ل استحسا نكم ..
تقهويت الهجوس
تقهويت الهجوس مهيّـله من فكري المشغول = تزعفرها الهموم الزايدة شوق (ن) على الغالي
طرت لي بنت رسلان اللي يشبه وصفها المجمول = وتخيّلت إ ني في كف الحبيبة صرت فنجالي
أداعب ورد تين (ن) ينزفن الشهد والمعسول = بثغرن يشبه الخاتم ..مرصّع بالكريستالي
عليها الله اكبرصار حالي في الشقا معـلول = طوال الليل راسي فوق كفي سا هرلحالي
تمكـّن بي هواها في خفوقي ساري المفعول = ولا أحد (ن) في العذاراء قبلها يطري على بالي
وجودي وجد من عميت عيونه والقد م مشلول = من افراق الولايف نار قـلبه تشعل اشعالي
على اللي لامشت قرن الشعرمن خلفها مجدول = تهصّرمثل غصن (ن) كلماهب ّ الهوى مالي
وشلا ّ له متى ما سا ل من فوق المتن مفـلول = يجضّ القلب وأدقّ الصدر حسرة على الخالي
وأضيّع دربي اللي ماشي (ن) به والعقل مذهول = نهاري راح كله ضايع (ن) بأقفا ي واقبالي
ونظرات اللواحظ ترمش بسيف (ن) لها مسلول = ولا يخطي هدفهن في صميم القلب يغـتالي
أنا من طالعتني تا يه (ن) في غـّبة المجهول = رمتني في بحور(ن) مالهن أول ولا تالي
مع العالم بجسمي صرت لاحي (ن) ولامقتول = وجرح (ن) ينولد من جرح و زاد الهم غربالي
شها دة والشها دة كل إ نسا ن (ن) بها مسئول = غلاها لو يزول العمر !!! ما ظنّيت ينزالي
محمد بن عما ر