[عصام عبد الحميد]

انا مش عارف امتى ح صالح روحى وانام اومين راح بكرة كدة هيجينى و يصحينى من الاحلام هو صحيح الحب معشش جوة في قلبى لكن برضه الناس مش ساكته ومش راح يوم ح يبطلو لوم هو الحب في زمن الغدر بيبقى حرام ولا ساعات الصدق الغالية بتبقي لكل قلوب الدنيا سعرها كام ممكن افرح بالتنهيده و التسبيله تدفى العين لكن قلبى هيفضل برده تمللى جعان اصل حبيبت القلب الغالية عمرها ما تنيمنى جعان يبقى علشان الحب يصحصح جوه القلب ياكلوا فشار ولا الفشر كمان خلوه مع الحرمان مع العطشان شفت الدنيا غريبة عجيبه وتدى حلقها للى مالهوش برضه ودان تبقى حبيبتى وعايشة في قلبى لكن ساكنة في ملك جبان عودته امه انه ميتنحرشى الا على النسوان يزعق .... يضرب ...... يشخر ....... ولما يحب كمان اه ه ينام يعمل زى الخلق ولكن مش بنى ادم دة حيوان عمره ما شاف العطف في يوم ولاكان مره كده انسان يبقى ياناس انا كدة غلطان ايوة بحب حبيبتى الغاليه الى ما اعرف ليها عنوان لكن حبى مهدهد قلبى ومخليه ماليان بحنان وقت ما عينى كدة بتفتح القى حبيبتى بتصحينى بعرف انى صحيح انسان حاول تعرف من يا جار ى انى بحب ولا بدارى من جلابيتى ونظرة عينى ولا اللمعه بقت عنوان مين راح ينكر انى بحب حبيبتى الغالية سافرت كتير من البلدان رحت فرنسا وروما ومالطه وحتى مراكش ويغوسلافيا لحد ما زرت الكعبة كمان شفت بلاد وبلاد بعنيها وفى ضحكتها اناعشت زمان هو الفرح كتير على قلبى ولا القلب مالهوش ضمان دا انا من يوم الحب ما جانى ومخلينى في بحر امان عمرى ما خفت في يوم من بكرة ولا راح اكره يوم انسان يعرف طعم الحب بقلبه وبأحساسه يعيش بأمان يالا يا دنيا غنى معايا غنوة حب وشوق وحنان