[ابو أنس]

المشاركة الأصلية كتبت بواسطة الشريف الشرّقي

أنس ..اسمع وأنا عمك :

قسم بالله لو انك على رجلك نويت تحج=وعلى ظهرك تشيل ابوك لبيت الله وتجي به
وتقضي الليل تدعي له وتسجد للولي تلهج=حشا لله ما تلحق جزاه وفعله وطيبه
ابوك اللي نشف ريقه وقلبه عندهم يوهج ="تحلف ان الغضاجمره تبرى من لواهيبه"
ابوك اللي على شانك ركب خيل العنا واسرج=حياته، مسخيٍ بالروح ماهمه مشاذيبه
ابوك اللي يحطك في عيونه لا يجيك العج=ولا يرضى يحسك من زمانك جور ومصيبة
ابوك ابوك ياوليدي ترى الدنيا سريعة هج = تمرغ في ترابه وان قدرت تعيش ..في جيبه
شف القرآن وصانا وحط المصطفى منهج =رغم انف امرءٍ ادرك ابوه وصابته خيبه

العزيز الشريف الشرقي........
تواصلاً ورغبة في الإستزاده والشيئ بالشيئ يذكر
فقد قال أنس نثرا صغته شعرا
استميحك عذرا لأقوله هنا

من لسان أنس وجنانه معنى ومن أخيك صياغه
أقبل هذه ولا تعتب

هلا ياعمي الشرقي وحرفك ساطع(ن) أبلـــج=قريت الحرف واسعدني وعند الناس آماري به
أقول ادْروا فنا لي عم في شرق البلاد اسرج=خيــوله في دروب الطيب والمعروف ياطيبه
أحبـه واعشق حروفـه ولو انـه بعيـد الفـــج=عبرموج الأثير وجت مع حروفه مواجيبـــه
أشوفه للنقا رمز(ن) وقلبه مثل لـون الثلج =ألا يازين نصحه ياحلاه ولطف تهذيبه
واقول ابشر عسى ربي يقدينا على المدرج=ويبعدنا عن الزلات والميلات والخيبه
وانا ياعم أبا اقدّر كلامك وآخذه منهج = واحطه لي وسام(ن) فوق صدري دوم وامشي به
ولو قلت الشّكر ياعم مااوفيتك ولك بالهج=بصادق دعوتي عند السحرياكود أوفّّّي به