انا لي صاحبٍ بيني وبينه كل صبري ذاب=عطيته كل مااملك واحتجب فجره ومشراقه
لوإنه يسكب الرقه شهد ومن الحنان اكواب=ويسقي به عصافير الوله في صدر عشاقه
تراها ماتساوي حسرتي لحظة خياله غاب=ولاتطفي لهيب الدمعه اللي تندب فراقه
انا اللي زخرف اعماقه مدينه والضلوع ابواب=وصبه حلم يقطف زهرة الوجدان واشواقه
زرعت له المشاعر روض معشب والقصيد اعجاب=وقلت الروض روضك والوفاء رعده وبراقه
لقيته فالعيون وفالعروق وفالحشا ينساب=يسافر في محطات العمر يمشي على ساقه
اقدم له زهور التضحيه وانسج له الألقاب=ليا لوح برغبه قلت هاك العمر واوراقه
وهو يحمل من الخوف الكثير ويعلم الأسباب=احاسيسي تقول انه يذوب الشوق فأعماقه
يلوح لي والوح له لكن الموت عند الباب=وقف دون التلاقي حاسدٍ مايلوي اعناقه
فتك فينا القهر من ينقذ العاشق من (الإرهاب)!=سؤال نردده نلقى جوابه نار حراقه