اقتباس:
|
المشاركة الأصلية كتبت بواسطة الــذاهبه
البارحه ماذقت انا لذة النوم = كن الجمر مابين رمشي وعيني
ودي اسولف واكتب القاف منظوم= واشرح لكم قصة خفايا أنيني
بان الحزن ماهو معاي امس واليوم = هذا حليفي من قديم السنيني
ياما سقاني جرعة الموت وسموم= وياما وقف بين السعاده وبيني
ويلاه من قلبٍ من الضيم مهموم = هم يروح وهم ثاني يجيني
كسـّر مجاديف الامل حظ مشؤوم = حطم حلومي مابقى شيّ فيني
اعرف مدى حظي ولو جاد لي يوم = اليوم الاخر ضيقتي تحتويني
كنت احسب ايام الفرح دايمه دوم = وأثر العنا في سكتي محتريني
وش حيلتي دام الامل مات معدوم = ما غير تصفق في شمالي يميني
لا قاويه اجلس ولاطاب لي نوم = حتى القلم عجزت تشيله يديني
|
شاعرتنا / الذاهبه
وقصيده تسكن الخيال والوجدان
صح كلك يامبدعه