[الطائر المهاجر]

تصرخ صرخة قوية وأجيبها عندي وتنام وأرجعها لسريرها ثم ترجع تصرخ وهكذا أنا شكيت بالموضوع
وش تبون اسوي بكم ، طالما ما درستوا عن مثل هالتصرفات ليش تحدث من الطفل ، واحاول افهمكم
إلا تصرون على جن وما جن .. خذي هالسالفه :
لما كنت في امريكا جوني عائلة كان عندهم ولد يسوي نفس الحركات ، وياويلهم اذا بدا يصارخ ،
قلت بسيطه ، اذا صارخ في مكان خلوه في مكنه ، ولا كأنكم سامعينه ، لمدة اسبوع ، وتعالوا
طبقوا الطريقة ، وسكت البزر ولا عاد يصارخ ، لأنه عرف إن هالطريقة مارايح تجيب له نتيجة.
تقولين :
المهم تعوذت منهم ثلاث مرات وخذت قطعة قماش وضربت الفراش ثلاث ضربات مع التسمية وقريت أية الكرسي
والحمد لله إستقرت البنت في نومها
تدرين وش معنى هذا : هذا يعني انها مع جلوسك عندها واحساسها انك ما رحتي مثل العادة ، وانها بالفعل ارغمتك على ان تكوني بجانبها ، خلاها تهجد
وتنام ..
يبي لكم تدرسون عن طرق التربية وكيفية فهم كيفية التعامل مع الأطفال في مختلف المراحل ..
ولا تعطون عقولكم لغيركم ...
خذي مثال آخر : جابوا لي هالكاالشابه اظن كانت في ثاني او ثالث متوسط ، قالوا اهلها ان المدرسة
صفقتها بالدفتر في وجها ، ومن عقبها لاطفها جني وانشلت يدها ورجلها اليمين وما خلينا شئ ما سويناه
ولا من فايدة ، وعطيتهم التوجيه ، وبعد اسبوع اخبروني بأنها انطلقت يدها ورجلها ولا فيها إلا العافية .
والكثير الكثير من الحالات اللي يعتقد انها بسبب جن وسحر وعين وغيره تم علاجها وبطرق علمية
ولا طبلنا ولا سوينا دعايات خادعة للناس مثل المشعوذين والدجالين ونصبنا على الناس وسرقنا حلالهم ..
وكان العلاج مجاني كجزء من العمل في العيادة الحكومية ، ولا ازال احتفظ بسجل علاج هذه الحالات منذ 1401-1402