[ماجد الزيد]

المشاركة الأصلية كتبت بواسطة الطائر المهاجر

لا صرت في بيتك وحيدٍ لحالك = اطيب من اللي كل يوم جماعه
حتى ولو في وحدتك ضاق بالك= العاقل اللي من يكيّف طباعه
في وقت صار الكون كله قبالك= تشوف ما تبغاه في كل ساعه
دشٍ و "نتٍ" تشغلك عن سؤالك = وتجني فوايد تنفعك باختراعه
ولوك تفكر بالعقل في حوالك = فانته وحيد قبل سن الرضاعه
وترحل وحيد وتنتهي في مآلك= مثلك مثل من لف يوم شراعه
فالوقت غير الوقت خيّب لفالك = مما تشوفه في زمان الخناعه
كل يطارد في زمان التهالك = والكل تايه مادرى عن ضياعه
وكل يبي يسرقك مع قل مالك = يجمع حلاله بالمكر والطماعه
حتيش لو يملك جميع المسالك= وحتيش لو صار القمر في شعاعه
وحتيش لو يركب صنوف الكدالك= في يوم يتركها بغير اقتناعه
ماهوب عيب انك وحيد لحالك = العيب لا خاويت راع الخداعه

صح الله لسانك يابو عبدالله
والله اني اخجل اني اشيد بقصيدك ياستاذي
لكن درر وحكم وجزاله
حكم نابعه عن تجربه لها مصداقية
تخالط العقول والالباب لتنزل على من له قلب او القى السمع وهو شهيد
فلابد عند ذلك ان تؤثر في خطواته
تقبل مروري ابو عبدالله الله يبارك بعمرك ولا يقطعك من الخير
اخوك الصغير ماجد