قضيت من الهوى كله وصار العشق لي تذكار=رضيت بحالتي واللي مضى بالعمر يكفيني
بعد ما طفت كل الكون اركب في الهوى الاخطار=عرفت إن الهوى خدعة ولو كثروا محبيني
شطبت العشق مالي فيه لا درهم ولا دينـــار=مريح البال في داري ونظم الشعر يغريني
الا يا جاهل في العشق لو تدري الهوى الغـدار=تعاف العشق من أصله وترقد هاني العيني
ابحور العشق غدارة ولو كان الفتى بحـــار=تورط من سبح فيها ،غـريق ماله معيني
تخدعه كلمة حلوة ونظرات كما الإعصـــار=وبسمات تهز القلب تلعب بالشرايينـــي
يطير العقل بالفرحه يأمل باقي المشــــوار=يعيش بوهم في ظنه يقول العشق يبغينـي
مثل طير دخل بالشبك بطوعه مثلما اختــار=يغرد معجبه صوته وهو ضمن المساجيني
يغيب العشق عن طيره مثلما تختفي الاقمـار=يقضي العمر في ظلمة أمل باهت وتخميني
أسير العشق في غربه وجوفه يشتعل كالنـار=يحس الحزن في قلبه مثل طعن السكاكيني
يصفق مثلما المسبوه ما يدري وش اللي صار=واذا منه صحى يدرك بأن العشق تلحيني
تركت العشق ما لي فيه لو ترمي بي الأقـدار=ويكفينــي بعمري حب واحد ماله اثنيني
أحبه روح ، أحبه قلب ، أحب العطف والإيثـار=سكن بالقلب له وحده يريحني ويشقينـي
أحب بصدق، يحب بصدق، بحب الحور والابرار=نعيش بجنة في الحب أحميها وتحمينـي
لقيت الحب من بعده سراب يخدع الانظـــار=على شانه اعاف الحب ، حبه بس يكفيني
قضيت من الهوى كله ، واوقع للغضي إقـرار=بأني دايم ملكه على كيفه يمشينــــي