[ماجد الزيد]

المشاركة الأصلية كتبت بواسطة سالم خلف المناعي

قصيدتي أحد ٍ على كيفه
هنا بصوت الشاعر
حمد العيد

أحدٍ على كيفه مع الناس مرتاح=وأحدٍ يلم لم قاسي الوقت همـه
واحدٍ يناظر طعنة القلب لا طاح=يذرف غزير الدمع من فوق كمه
يا ورثتي بالحب يا كومة جـراح=يا غلا جروحه يا عذابـه وسمـه
حبٍ غدا في هبة الريح و التـاح=أعذب طعوني يا حمد جرح نمـه
صاحبك بالميدان ما هـو بنـزاح=يقدم على جيشٍ ولو كـان جمـا
واثر الشجاعه ياحمد سيف سفاح=كم شيخ قومٍ يطلب السيف دمـه
الحب ملعون الثوا درب فضـاح=من طاح في دربه هبوبه تخمـه
من قبلها وانا على الدرب شباح=واقول قلبي بالهوى مـا يهمـه
واصغر طموحي هدة الطير والواح=وأكبر همومي ربطته والمهمـه
وأشفق على قاعٍ به الورق نواح=يبري عن الخافق مصابه وغمـه
وأشب ضوٍ فوقها البـن فـواح=هذي حياتي ومالهـا بالخضمـه
لكن قلبي صادفه غـرو نطـاح=فايح عبيره في طريقـه تشمـه
حمد تقول الحب مافيه مصـلاح=واحــذر تعشق انسان ما فيه ذمه
وانا اشهد ان الحب ما فيه مربـاح=اكبر غريمه يا حمـد راس عمـه

وهي هنا بطريقة الفلاش
اضغط على بداية العرض للمشاهدة والاستماع

http://www.m966m.com/upswf/uploads/4d65f71ecc.swf

والسموحة على التقصير

اخوكم
سالم بن خلف المنّاعي

صححح الله لسانك ملايين على هالرائعة وزادت روعتها بالقاءها صوتية
فقتل الشعر كتابته وحياته سماعه
لله درك على ما ابدعت
تقبل مروري المتواضع