[الصريح العتيبي]

عداد مبدى القمر والطيف والوانه=سلام تسليم يرضي كل الاذواقي
الحق ياهلال فوق الكل سلطانه=والناس فيها ضعيف العقل نقاقي
مرحوم ابويه قتل من غدر صدقانه=واللي وزانه طلع فاجر وبواقي
من يظهر الميت اللي داخل اكفانه=ويبث فيها الحياه يصير عملاقي
ابو مساعد جمع ربعه وجيرانه=وهو على مايلم الشمل تواقي
ذبح من الحيل سبع ولم صدقانه=واخذ عليها اللزم ماهوب سراقي
وصنات للحمل نقاله وربانه=مامد ربع النصاب وضيع الباقي
والفارس اللي تعلى صهوة احصانه=واصبح لرؤوس اكبر الفرسان حلاقي
فرّق جحافيل قوماّ تلعب الدانه=خلالها دندنه في واد الاشواقي
يستاهل اللي خذاء خوخه ورمانه=مثله وشرواه للي جاه سباقي
وعادات من لا يشد اشعيل بالرسانه=يطرب لمكسورة القرنين والساقي
وان كان بيت الغلاء هدوه سكانه=هذه مصيبه صداها يحر ق احراقي
هذا كلاماّ سمعته بين عربانه=معرف مصير الحقايق والله الواقي
وراك ترميبها في اسواق خسرانه=نسيتني وانتحيت لسوم الاسواقي