لاحول ولاقوة الابالله العلى العظيم
شي محزن عم عثمان
بعد اذنك عم عثمان مداخلة مع الاخت الفاضله وعد العبدالله
اقتباس:
ألـهـذه .. الـ درجــة .. أصـبـحـن .. الـ فـتـيـات ..
سـلـعــةً .. مـبـتـذلـَــةً .. في بــلادي ؟
|
فاضلتي الكريمة وعد
للأسف بعض البنات يمشون ها الطريق راغبة لا مرغمه
أبي أقولك سالفة إذا صدق تيني أكون ممنون وإذا غير ذلك سيكون الشاهد الله عز وجل على صدق قولي
في صباح إحدى الأيام الدراسية وفي مدينة جده كنت في زيارة لأختي الكبرى أم محمد
وكأ العادة ما أحب اسكن عند احد وأحب النزول في فندق الحمراء
نزلت الصباح للفطور كنت با القرب من مكان العوائل
شوي واسمع بنت تقول السعر رخيص ورجل يقول لا غالى أول كنتى تجيبين بأرخص
وهي تقول هذول بنات جامعه وبنات ناس ومن ها السوالف
إنا عيوني كانت تبي تطير يا ولد صدق ولا كذب >>>> مستغرب طبعاً
صحيح إنا اعرف جده وش فيها بس لها الدرجة ماني متخيل المهم قلت في نفسي الله يستر علينا وعلى بنات الناس
جاء أبو عبد العزيز>>> اخوي الأصغر وطلعت معه شافني منصدم وش فيك وش ما فيك علمته السالفة
جلس يضحك قال طيب إنا أبي أعزمك على فطور ،،يا بن الحلال إنا توني مفطر قال تعال وش ورآك انا ما أشوفك إلا كل كم سنه مره لا تبخل علينا بطلعه
وداني محل فخم جداً على شارع رئيسي المهم دخلنا من قسم العزاب ومن الاسياب وإلا إحنا قدام درج وهناك سكرتي
خال عير مصك طلع اخوي يعرفه طلعنا الدور الثاني لما ها الحين إحنا في المحل شوي وإلا قدامي شباب وشابات
خليطي وكل واحد متحضن له وحده واللي لاحظته روب الدكاترة يعني أكيد بنات كلية الطب
ما لقولنا إلا طاولة في الخلف وحولنا شباب وشابات
سألته وش ها المكان قال عادى زى منت شايف محل معسل ،،قهوة ،،،، شاهي ،،،، ومن ها الحركات
الطاولة اللي قدامي بنت مع اثنين من الشباب مرة تنسدح على هذا ومره على هذا والحكي شوى نجدي على شرقاوي
قالت لأخوي هذول ماهم سعوديات بصراحة قطيت إذني أبي اتاكد من اللهجة
قلت لأخوي هاذي مغربية وفي ذمتي بعد
المهم المكان كان مجون وفسوق أخر مقاس والله من المناظر اللي شفتها خفت على الشبكية تضرب
الشاهد:
أختي وعد مافي احد يجبر احد على شي ما يبيه كلن يمشي طريقه باختياره وبمحض إرادته سوا في الداخل أو في الخارج
للأسف شفنا أزواج ما يغارون على حريمهم ولو أقولك سوالف ومناظر شفناها في المنتجعات في جده أو في الشرقية أو في البحرين أو دبي للأسف من بنات بلدنا احتمال تمسكيني باب المنتدى وبتقولين هذا نصاب
لكن أقول الله يستر علينا وعلى بناتنا وعلى المسلمين والمسلمات ويحفظهن من كل سؤ ويبعد عنهن كيد الكا يدين وحقد الحاقدين
أخت وعد لو البنت صانت نفسها صدقيني محد يقدر يلمس وسخ ظفرها بس لو هي تبي وأنتي شايفه أو سامعه عن بعض بنات اليوم صاروا أهم اللي يطاردون الشباب .
الشباب صار يجيله كل شي لحده وأوله دلع وأخره رذيلة....
ولكن ما نقول إلا لكل ساقط لاقط
والصاحب ساحب
دمتى بستر وعفاف وطهر ونقاء
غريب