[الطائر المهاجر]

قالوا قضيت من الهوى قلت لا لا = ما ظني اقضي لين ما تدفنوني
قالـوا تحب وشيب راسك تلا لا = قلت المحبّـة علتي والجنوني
قالوا حبيبك ، قلت مثله محالا = بالجـن او بالإنس كاين يكـوني
سيد المهـا سيد الغنج والـدلالا = لا سلهمت فالموت سهم العيوني
قـالوا تحبّه قلت فـوق الخيالا = ما اتـوب عن حبّه ولو يمنعوني
حبّـه بقلبـي راسخٍ كالجبـالا = ومن كثر ما احبّه يحرك شجوني
ازعـل إذا شفته لغيري تحالا = ومن غيرتي يمكن يخيب ظنوني
قالـوا يحبّك قلت صعب السؤالا = إن كان تـدروا يالمـلا خبّروني
قالـوا ندوّر غيرها قلت لا .. لا = باقي على حبّـي ليـوم المنوني
ترى الهـوى والحبّ دربه نكالا = يا جاهـلين فيـه لا تعــذلوني