[الطائر المهاجر]

سيّداتـي آنسـاتـي سـادتـي= موجز الاخبار في لحظه قصيـره
بعد ما استقبـل وودّع عزوتـي = قام في جوله على احياءٍ فقيـره
يا الـه الكـون تقبـل دعوتـي =تحفظه للشعب ما دامه نصيـره
شاف كيف الفقر يلعب باخوتـي =واصدر امره بالمعونات الكثيـره
ودي التنفيـذ يسبـق كلمـتـي =ويشمل اللي ما شكى حالٍ كسيره
في الشمال وفي الجنوب وغنوتي =في قرايا نجد من يابس مصيره
ومن شبابٍ كان يـومٍ هقوتـي =صار عاطل في متاهاتٍ مريـره
او بنـاتٍ تايهـات الخطـوتـي =لا وظيفه ولا زواجـاتٍ ستيـره
كيف تقبـل عاطـلٍ او نفوتـي =من شباب ضاع في عزّ الهجيره
بعد هذا لـو سمحتـي جرئتـي =سلطي الأضوا على تلك الأسيره
عن فلسطين المآسـي شكوتـي =وفي عراق الذل والغلطه كبيـره
كلمـا احـاول اخفـف لهجتـي =اشعر النيران توقدها الجزيـره
كـل يـومٍ قتـل فينـا اخوتـي=ليش نطلب حق ويدينا قصيـره
وليش يستشهد شهيد النخوتـي=تدفع الأسره ثمن كـل الجريـره
كم بيـوتٍ هدمـت بالشهوتـي=وبوش من حقده يبارك للمسيـره
وفي العراق اليوم كل القسوتـي=كشر النيبـان واعلـن عن نفيـره
امتلـك كـل النفـط بالعنوتـي=وما بقى له غير خطواتٍ صغيره
ينتقـل للشـام تحـت النعرتـي=يئمن اسرائيل بانهـار غزيـره
وانتهى الموجز ولكـن هقوتـي=كل واحد ما درى وشهو مصيره