شاعر نزيـــه ولــه مبــادي وملــــه = وشــاعــر خبيــث ونجــس وانجــس من الفـــار
القــلب الاسود يازمــن فاح غــلـــه = ياصاحبــي تــرى الشياطيــن كفـــار
ان كــان رزوا صورتـــك باالمجلـــه = المملــكه ظمــت مجانيــن بشــهـــار
ضيــع دليلـــه يوم غيــر محلـــه = لاحاشــمٍ حالــه ولامحتــرم جـــار
قام ايتنكــر والــولي شاهـــدٍ لـــه = ربٍ كفيــل الذات عـــلام الاســرار
لطيـــب درب ومن بغــى الدرب دلــــه = تكـــرم دروب الطيب عــن شــر الاشــرار
والصاحــب الي زل عن درب خـــلـــه = الله ولاغيــر الولي ياخـــذ الثــــار
افطن زمانك واحـــذره واستغلــــه = ياالفاهي الغافل ترى الوقــت دوار
ترى الردي لامات ماحــدٍ فظــن لــه =حتى المحاسن باالعزا تخجــل الــدار
ربــه كفيلـه عايشٍ تحــت ظلـــه =بظــل الرحيم الغافر النافع الظـــار
والحــر.... موت الحـــر تسعــيــن علـــه = حتــى الزمن يبكــي على موت الاحـــرار
قلبك دليلك وارتوى حسد كلـــه = دون الردى والحسد خــأيــن وثـــرثـــار
ماضاقت بوجــه النزيـــه المذلــــه =حتـــى ولو هـــب الزمــن عــج وغبـــار
وذا زمانــه مارضــى يبتسم لـــه = يصبـــر على بلواه لوالزمـــن جـــار
واذا البخت زوًد على الطيــن بلــــه = يموت قلبــه بس مايلبس العـــار
السيف الاملــح لاتضايقــت اسلـــه = ماخــذ مع الابداع جولــه ومشــوار
والعـــز الاقعس انهضـــه واستحلــه =ارقى على متـنــه ولو صار ماصــار
ماصــد وجهـــي والمــكارم ادلـــه = والضــيف له قيمه وحشمــه ومقـــدار
مانــي من الي غيــروه المجلـــه = خذهــا معــك يابارد الوجهــه تذكـــار
بعض العرب عايش على غير ملــه = صحيح زول انسان لاكنـــه ......حمـــــار