مالوم يانفـس عـن الـزاد معطـاه=والمـا .. مايبـرد لهبهـا بــروده
لين انحلت بالحـال والجسـم تبـراه=والقلب شبـت بـه سعايـر وقـوده
بالصدر اكنه كنـة الضـرم مخـزاه=ساعة ويشرب لـه ولزمـا يعـوده
لون جرحي ينكمي كـان ابـا اكمـاه=لاشك بـي شـي علـى الله ركـوده
أصبر مـدام انااقدرالصبـر وقـواه=ولاينقـوي صبـر تعـدى حـدوده
صبر الهـوان اليـا تذكـرت فرقـاه=ولاخيـر للفرقـا حتـن ومـعـدوده
ويت انت ياللي توصل الخـط ملفـاه=(( فيحان )) شوق اللي تنقض جعوده
عوق الخصيم وستر من تذهل غطاه=لاهـج مـن عـج السبايـا قعـوده
ولايسنـد الا مـروي حـد شلفـاه=يمنا علـى نثـر الدمـي محمـوده
زبن الحصان الى ارتخى سير علباه=يثنـي وراه ويحتمـي كـل عـوده
من راعي السابق إلى شـاف مـدلاه=الـلـي عدايلـهـا مجامـيـع ذوده
كن السبايـا يـوم توحـي مثـاراه=صيد مـن الرمـي تقافـى جهـوده
قل ياسعد مـن جـاه مابـه مناجـاه=أبديت لك سدي كمـا أنـك سنـوده
الحب يـوم إنـك مقـره ومرسـاه=وقلبـك مداهيلـه ومركـز بـنـوده
راعيه مايبدى على النـاس عجفـاه=يكماه لين أنه بـرى الحـب عـوده
لاهنت ..رد الي الخبر عن سجايـاه=حيث انك الباخـص بهونـه وكـوده
عن حال مشغوف نقـل داره بـرداه=يبغـى الدواوالـدوا خطيـر بـزوده
ياتـل قلبـي تلتيـن مـن اقـصـاه=تـل الـوراد اللـي حـيـام وروده
يم الطـوال اللـي عـدوده مطـواه=يـروع جذابـه مجـاذب عــدوده
علـى قعـود مايسانـع بممـشـاه=مستصعـب مايتـع اللـي يـقـوده
لاقال يا راعـي الجمـل زاد بخطـاه=إمـا انقطـع والا تصـرم عمـوده
على الـذي بينـي وبينـه مسـاداه=لاهوب رايدنـي ولااحـرزت اروده
ماغير يرعاني بعينـه وانـا ارعـاه=والكـل مـنـا مايبـيـن ســدوده
ليته إلـى كزيـت لـه خـط يقـراه=ايضـا ويعطينـي حرايـض ردوده
لاشك مـن دونـه نواطيـر وعـداه=اللي من اقصى الخلـق والا جنـوده
كثر النمايم سببـت قصـرة اخطـاه=واللي صفا لي فـي اليالـي سعـوده
لاساعفـت راعـي النمايـم بدنيـاه=لعـل حالـه تنـقـرض ماتـعـوده
يااهل النمايم من عمل عمـل يلقـاه=في ماقف يـوم الجـوارح شهـوده
لوطال ياسه ماهقيـت انـي انسـاه=اذكـر تعاجيبـه ولجـلاج ســوده
من ذاق حـب السلهمـة ماتناسـاه=من الكبـر يذبـح وهولـه طـروده
شرهة .. يدي: ماكل عـود تعصـاه=ولاهي على عوج العصـي محـدوده
المطرق اللي يبتغي ..وين ابا القـاه=عيني له طفحـة ,ونفسـي شـروده
ازوال واجـد ميرماهـي بمشـهـاه=النفس ياقـف لـه عيـاف يـذوده
الشاهـد الله ماتغالـيـت مـشـراه=لاشك واقفن السبـب عـن وجـوده
ماصارمـن بينـي وبينـه مناجـاه=ماحـسـف الخاطرتـوقـف وروده
وانـا ومثلـي بيـنـات هـوايـاه=غير الضمان اللـي تبعـث لهـوده
هذا مضى,والخاتمـة عنـد مـولاه=ولاشـي يصيرالابحكمـة وجــوده