يوم الركايب عقبـن خشـم أبانـات=ذكرت ملهوف الحشـا مـن عنايـه
ليته رديف لي على الهجن هيهـات=إما معـي ولا رديـف اخويـا يـه
أخذت لي في ماضي العمر سجـات=يوم الهوى قايم وأنا اتبـع هوايـه
يوم إن لي مع تلع الأرقاب صرفـات=أبيـع واشـري بينهـن بالسعايـه
الليل نجدع به وعاعيـد وأضـوات=ولا خاشـر الوعـاد راع الضوايـه
واليوم شبت وتبت عن كـل مافـات=وطويت عن كـل المـوارد رشايـه
إلا إلى مـرت خطـات الخونـدات=اللـي جدايلهـا تعـدى الحضايـه
إتجازي الهراج بغضـاي وسكـات=ولا هيب تبدي له سريـره وغايـه
تصد عما قال مـن غيـر مجفـات=وتعرض بخد ن كـن فيـه المرايـه
طرالي الهاجوس هاجـوس الأفـات=وعرض لي المبعد على كـل رايـه
ومن ان في قلبي جروح ن خفيـات=وأنـا خبـر مابـي سببهـا منايـه
آية هوى ماهـي بطـب المـداوات=أنا طبيـب الـروح مابـي غوايـه
ماهيب بدعه يلحق الرجل شرهـات=ناس ٍ عدوا قدمي ونـاس ٍ ورايـه
لولاي أوسـع خاطـري بالتنهـات=وأبصر بحالي مـن خـلاي بخلايـه
لأغدي كما المذهب وارمّي بالأصوات=خبـل علـى ماقـال راع الروايـه
بأهل الهوى من شارب الخمر شارات=وبهم من اللي يطرد الصيـد شايـه
شارات راع الخمر فاقـه وسكـرات=والصيد ولعـه ماعلـى الله كمايـه
ولو اتمنى لي مـن المـال غـلات=وانفـد الغلـه واحـصـل منـايـه
مير المقل ضعيـف مافيـه نوهـات=وراع التمنـي مثـل زراع طـايـه