[الطائر المهاجر]

من آخر اشعاري الكوميدية

يوم من الايام والبطن خاوي = والجيب ما خاواه لو ربع دينار
واشوف لي صاله لها الناس تاوي= بمواتر جدّد ومن غال الاسعار
وفي بابها الترحيب في كل واوي= والكل تلصف حمرته تحت الانوار
وريح الأكل يفتح جميع الشهاوي= وش لون جايع مالقى حبة خيار
ونا اتجه لكن بثقل الخطاوي = الراس عالي ما تهيّب للانظار
واقعد بكرسي مثل صقر نداوي= اسبر واراقب ما جرى وكل ماصار
الكل وافد مبعدٍ بالهقاوي = ان بدوي بيناتهم تقل رادار
وقت العشاء والبعض واقف يراوي= ونا بجوفي لاهب مشعل النار
قلطت انا والذيب في البطن عاوي= على المفطح بيننا وبينه الثار
ومن وين ما يبغي خذه دون ياوي = حتى تلحف باللبن دون مقدار
وآخر علومي وسط الاسعاف ذاوي= والهرج زايد كل واحد له افكار