[متعب المتعب]

بعض الأحيان الشاعر مع تواجد أغنية جميلة كأغنية فاضل المزروعي ((نسنس نسيم))
مجبرة هي المشاعر بالتحرك مع السلطنة في الأغنية

يالمنتدى . . صلوا على طه النبي=باح العزى في قلبي الولهاني
به صابني بالزار . . لبّاس العبي=والمبتلي . . يشمت على الطيراني
حضّر معي جاشن سكن وسط اعربي=نمرودن اشمط يشبه الشيطاني
قال الموده . . تبغي من يمشي حَبي=لأن المفارق يشعل النيراني
ياصاحبي . . واللي عشق عين الظبي=وش حيلته ؟؟ والكارثه ظبياني !!
فديت انا خشفن سكن في بوظبي=لامن ذكرته . . ارتكبت احزاني
من يوم شفته ياعرب زاد اتعبي=عذرووووبه انه قايد الغزلاني
عاشرت انا غيّه كما واحد صبي=يشهد عليّه . . دمعتن تقلاني !!
برواز حرّك ودني لابوظبي=شفّي مزارن . . ساكنه ظبياني
دامك على دربي وشربك مشربي=شد الرحال وودني لعياني
وشغّل أبونوره فديت صويحبي=وارفع على صوته ترى طرباني
وجدي عليها وجد منهو منسبي=حاله ولا حصّل دوا . . ومرضاني
لامن نظرني . . قمت اثنّيها اركبي=ولامن تكلم . . يستبيح اركاني
يالاعجن باوسط حشايه مختبي=منه الحنايا . . تصطلي نيراني
قالت (يديدك)؟؟ قلت : طاعه واطلبي=ياجعل (يفدونج) غلا عرباني
قالت أحس الجيم . . بلسانك سبي=والكاف والله لااحذفه بلساني
(عيل) (فديتج) ياغلا كل العبي=(خطاج) صح وحضرتي غلطاني
قالت أبي أسأل وحقق مطلبي=انته قبيلي والا انا غلطاني؟؟
أنا قبيلي والنعم (بج) واعربي=أنا بدوي(ن) عزوتي ( الويلاني )
تعالي في (ميلس) ضلوعي . . واحطبي=واسكن في قلبن هدته لحزاني
قال انته (متفيّج) وتكتب بِسْببي=(عيل) منو (غيرج) نهب سلطاني ؟؟!
كني (رمستك) بالغلا يا معذبّي=قلت ارمسيني . . والغلا للجاني
ياخذك ياقلب صحيح انك غبي=يوم قال احبك .. ترتبك وتعاني ؟؟!
وختامها هذي حروفي تسكبي=جتكم فرايد عاشقن ولهاني
يالمنتدى . . هذا بلايه واسببي=أنا بلايه واحدن ظبياني

متــــــــــــ ع ع ع ع ـــــب ..