اتصل بي الاخ الاستاذ الشاعر(ناصر الهواوي) وطلب مني ابداء رغبتي في سماع بعض الابيات الشعريه ورحبت به وبابياته وهي على النحو التالي
حسبي على ناصر وعايض وهزاع=يوم اشغلوني لين بالشعر هوهيت
من قبلهم عاقل ولا اخطيت الاسناع=مرتاح ماردد لعله وياليت
للنفس عاصي وللشياطين منصاع=وصرت اتناسى مامضى وارجهنيت
وضنيت ماعفّى عليه الدهر ضاع=واثره دفين يثور ثوره دناميت
ومشيت في دربه ولاعنه مرجاع=وقامت تراجد بالضماير وغنيت
عايض فطين وصاحبه حيل خداع=قالوا نجيزك بالشعر قلت ياليت
قال انته اشعر من وطت رجله القاع=شهدوا شهاده زور الي واستفزيت
ودليت اكرسع هلقصايد تكرساع=من قوء باسي بيت احطه على بيت
واليكم ردي وهو بعنوان تاجر السوق
ياتاجراّ بالسوق تشري وتبتاع=ليتك عن انظار الهوامير صديت
ماعندنا مصيف ومشتر ومرباع=مادام في رووس الثلاثه تهقويت
وراك قمت ا تكيل بالمد والصاع=ليتك على غير الثلاثه تسليت
فيما مضى خابرك هادي ومطواع=واليوم اشوفك تخلط الماء على الزيت
وابشر بحرباّ مانفع فيه فزاع=ان كان في غيك وجورك تماديت
وعليك باسم الله ان كنت مرتاع=من مرقباّ فيه الضحي امس عديت
ويعلنتها توبه وزينت الا وضاع=عن مابدر منكم تجاوزت واغضيت