ون ليتر اوف تيرز
هذا مسلسل من 15 حلقه او اقل مدري ياباني و ترجمته انجليزي
قصته حقيقيه ،،
عن بنت اسمها " ايا " لما كان عمرها 15 او 16 سنه
جاها مرض اعراضه تبدا خفيفه لين ما تصير قويه
كانت لما تركض او تمشي تطيح و صارت خطها مو زين
و شوي شوي نظرها مو زين اذا جت بتمسك شيء تشوفه في مكان ثاني
كله بالتدريج ،، المشي صارت مقعده
و الكلا م ما تتكلم و كتابتها بصعوبه ،،
اول شي حاولت تبقى في المدرسه لكن الاداره رفضت
و حولها مدرسه ثانيه ،، و كان الناس دايما يستغربون منها
و كيف تمشي او تتكلم لانه يصير صعب زي الاطفال لين ما توصل و تفقد كل شيء
المهم كانت تكتب مذكراتها كل يوم ،،
و بالمستشفى كمان كانت تكتب و تحاول و ابدا ما خلت الكتابه
و لما توفت امها شالت مذكراتها و حولتها لكتاب و لما نجح
سوته مسلسل ،، و مرضها استمر معها لين عمر 23 تقريبا و توفت ،،
من جد شخصيتها كانت عجيبه و كفاحها عشان تواصل الحياه ،،،