[ضاامية الود]

المشاركة الأصلية كتبت بواسطة مبارك أبوظهير

من القديم نوعا ما .. هي للتواصل فقط


*

صنـفيني زي ماودك بكيفك صنــّـفـي =قـولـي الـلـي بـْـخاطـرك قــولـيـه يـابـنـت الـحـلال
قولي رجعي / غير متحضر / ولكن أنصفي=بـالـعـدال الله عـلـيــك الـيـا حـكــمــتـي بــالـعــدال
وإذكري كل شي فيني كان واضح أو خفي=قـــارنــي والـيـا خـلـصـتـي طـالـبك خـلي مـجـال
حتى أنا لي حق أوضح يالحبيبه موقفي=والإجـابه أفــضـل إن كـانـت عـلـى قــــد الـــســؤال
والسؤال اللي طرح نفسه وانابه اكتفي=مــنـهـو الـلـي مـاصـدق فــيــنــا ومــنـهــو لايــزال
صادق ٍ أول مـع نفسه ومـعْ خله وفي=ومــنـهـو الـلي مـع حـبــيــبـه فـاق حـد الإحـتــمـال
صدقيني بيـنـك ومـابين نفـسك تعرفي=إنـي الأصـدق وأنـا الـلــي وافــي ٍ فــي كـل حـــال
آااه ياما حفـْيت أقدامي على وصلك حفي=وأنتـي يـامـا حـفــْيـت أقـدامـك على قـطـع الـوصال
إي نعم مـاكنتي تــْـقولين بـس مـاترأفي=وإن سمـحـتـي لي أوضــّح هـذا انـا بـضرب مـثــال
أنتي ماعندك من حروف اللغه حرف النفي=مـن طلـب وصلـك أشوفـك دايم تــْـقولـي تـعـــال
كيف أبرضى تصاحبي غيري أجل وين شـْرفي=مـنـهـو يـرضـى يــْشـاركه فـي عـشقـتـه عدة رجـال ؟؟
ليه أنا يعني مقـصـر فـيك حتـى تسرفي=لـعــنـبـو غــيـرك عـطـيـتـك شي مـاهـو بـالـخـيـال
يكفي إن القلب عندك فيك يصحى ويـْـغـفي=ويـكـفي إنـي مــعـتـبـر حـبـك أمـانــه راس مــال
وانتي أدرى الناس فيني فيك أشب وانطفي=عـارفــتـنــي مـن جـنوب وشرق مـن غـرب وشمـال
بس انا ليه آتكلم دامـني الشهم الوفي=ولو يـمـيـل الكون فـيـنـي مـايـميــل إلا الـعــقـال
أبعدي عني ومن قلبي رجاء ً شرّفي=ماني بملزم أربـّي تالي أوقاتي عيال
صنفيني زي ماودك بكيفك صنفي=قـولــي الـلي ودك تــْـقولــين .. أتـعـبـنـي الـجـدال

*



مبارك نايف أبوظهير

اخوي مبارك ابو ظهير


صح لسانك وقلبك علي هالشامخه



قصيده تستحق التصفيق


لاهنت ولا هان بوحك


تحياتي وتقديري