[ابومياس]

المشاركة الأصلية كتبت بواسطة حمد الدليهي

ياقوم ياللي خيلّكمْ ماتسرّج=هي خيل والا تشبه الخيل وذّهيب
فرسانكم ياقوم قامت تمرّج=فرسان عرض(ن) .. ماتودي ولاتجيب
وانا مشاهد عرضكم واتفرّج=وضيوفكم .. حلّو .. محل المعازيب
والشايب اللي من حيّاه .. (ا)متبرّج=من شبته قاصر إلى طلعة الشيب
هماز .. لماز(ن) .. سوات المهرّج=مايستحي والعيب في ساقة العيب
في كل مجلس ... كل يوم (ا)يتهرّج=مندوب ماقبله وبعده مناديب
من مدرسة راس النميمه تخرّج=يحمل شهادة .. صنف .. شذب العراقيب
بظهور خلق الله مْسوُي مُدرّج=طيارة لسانه ماتقلع على الطيب
وحاولت أدرجها .. وعيّتْ تدرّج=مع الذي مايفتهم للمواجيب
وفراج من شانه تركته مفرّج=وانا عرفت الذيب واللي ماهو ذيب
ومانيب يمك يالطريق المعرّج=مادام .. حد .. (ا)نهايتك قفلت(صليب)

حمد الدليهي كم انت راقي

عادة تشدني في القصيدة بعض الابيات

فاقوم باقتباسها

وعندما دخلت الى هذه الفاخرة

لم اجد ما اختار

لانها من اول بيت الى اخر بيت

شدة الذائقة اليها

اقدر اقول بانني هذا اليوم ارتويت شعرا من هذا النص

صح لسانك ودام حرفك يارائع

دمت بخير من الرحمن