ياغايب(ن)عني ترى للبطا لوم=لا شافتك عيني ولا جبت طاري
باسأل كثير الصبر يمكن تجي يوم=ازريت اتنشد وانت بالحال داري
الله ياطيف(ن)سرق عني النوم=ماودعه جفني ولا عنه ساري
يسكن خيالي عشق مايرتحل دوم=موقك براد الروح من شوق ناري
قضت سنين العمر محزون مهموم=احمل خفوقي سر واحكي واداري
بابعد خطاوي من لها درب محروم=مركب رحيلي والالم له سواري

ياصاحبي مافادنا كثر الاحلام=والي بخاطرنا عجزنا نطوله
ماتت امانينا على كف الايام=حكم القدر فارض علينا ميوله
نمشي ورى والوقت يمشي لقدام=ضعنا وضيعنا كلام(ن)نقوله
تعبيرنا ماضمته روس الاقلام=تكسرت كل الحروف بسهوله
طير السهر في نظرة العاطفة حام=يرمي شباكه للعيون الخجوله
نسهر وتسهرنا مقادير الايام=ودروبنا متفرقه ومعزوله