الناس تقصد على الخلان = وانا هـمومى تقاصدنى
ياقلت ياهم انا عجزان = من لـذت الـنوم يقـعدنى
هافى بخت مابه الوجدان = لو اغفل شـوي ينشدنى
يقول عسى منتى على زعلان = بالخير والشر عاهدنى
من اول انا وانت كنا اخوان = ماهو حق اليوم تبعدنى
بس انقلـع قلـعت الـدخان = يـاشـيخ يـكفى مـلاهـدنى
تحلطـم عندى تـقل بركان = من بد انا الـناس عـابدنى
توقرز قـدامى تقـل شيطان = حتى على النوم حاسـدنى
مامثلى صبر عليك انسان =ماضن على الزين ترشدنى
لو ماقبيلك من الشجـعان =كان انا من صرت ضاهـدنى
اشكيك لـربى عضيم الشان =هـو الـذى مـنك يسنـدنى