هذه الابيات المتواضعه موجهه للبناخي الشاعر الكبيـــــــر/عبدالله بن نايف بن عون
بعد زيارتنا له في منزله العـــــــامر في مدينة الرياض
سلاماّ احلى من لبن حم الاشعاف=واخّن واطيّب ريح من عود جاوه
باللي لهم في ماقف العز ميقاف=والهم بقلبي زود حب وغلاوه
ربعاّ جذت من دونهم كل الاوصاف=لو كان في حبل المثايل رهاوه
الكل منهم بالكرم والوفاء ناف=ماكني الا منتقيهم نقاوه
عبدالله وغازي وابن زبن الاشراف=اهل الوفاء في لين والا قساوه
واللي بدوا للمرجله كل مشراف=خذها جهيم وابن محسن عشاوه
ومنها السبيعي جامعاّ كل الاوصاف=يمنناّ طليق ونبل خلق وحلاوه
وعبدالله الشامان زيزوم الاسلاف=حراّ تنّمر واعتلى بالنباوه
واذكرك ياطير الفلاح اخو نياف=ياشعيل يالوافي فدتك السباوه
ويرجع على عبدالله النايف القاف=واقول حقي والعزيمه علاوه
مجيكم جمعاّ من اعز الاهداف=ويصيب منها العمر زود وطراوه
وانا قّريّب عندكم دون الاسياف=وش عاد لو بين الحفر والسماوه
والربع كلاّ مسرفاّ فيّه سراف=كلاّ يقول انا لهم بالحفاوه
واختامها ماحج حجّاج وأطاف=سلام وداّ فيه رفق وهداوه