[ماجد السعد]

المشاركة الأصلية كتبت بواسطة شاعر العثمانيات

هذا أنا/ نفسي أنا/ إن كنت تجهل من أنا = آنا الضمير الحاضر الغايب الى يوم الخلود
حاضر لأنّي هاهنا/ واعي بما يجري هنا = غايب لأن الوقت غيبني مثل باقى الشهود
هذا أنا/ كلي جراح/ اعيش عمري في العنا= فالحر هذي قسمته مادام يرفض للسجود
صابر مثل غيري سنه/ تتبع سنه/ ما انحنا= ننطر فجر/ نزرع أمل/ يفكّ لو بعض القيود
هذا أنا/ ومثلي كثير/ فالوقت اصبح ضدنا= ما يبغي الإنسان إلاّ جسم في دربه وقود
يضرب بعضنا في بعض/ يحكم علينا بالفنا= من شان يبقى المستفيد/ اللي بثرواته يزود
ارفض قيودك يازمن/ للفكر والا الألسنا= يكفيني منّك ماجرى/ مقدر اعيشك في جمود
آنا بشر/ حرّ المشاعر والفكر/ يكفي ضنا = مولود حرّ بأرضنا / مانيب من بعض الوفود
انا هنا / باقي هنا/ ومن بعدي احفاد وضنا= فجذورنا تمتدّ في التاريخ من عاد وثمود
آنا بشر/ حرّيّتي قيثارتي والألحنا = ما تنتزعها يا زمن/ مهما تحاول بالجحود
عطني امل / يشفي الم/ فالجرح فيّا مثخنا= نزفه براكين وغضب/ ماتنتهي فيه ببرود
منذ الأزل والعدل يرفض ان يموت ويدفنا= باقي بوجه الظلم والطغيان ثابت في صمود
ياقدرة الله وش بقى/ فالظلم شتت شملنا= والكل يشعر بالقهر/ مما يشوفه بالوجود

الله الله

على هذه التعابير الكافيه للمتذوقي الشعر

صح كلك يابو عبدالله