[سناعيس]

المشاركة الأصلية كتبت بواسطة أبوأنس

شيخ الطنايا قلت ابسألك وانشدك=في غيبة الشرقي وش اسبابها قل
مدري خذاه البرد والسن يصطك=حتى قعد في صفته وترك الكل
والزنجبيل بدلته دوم ما انفك=وبموقده تلقى السمر دايم جثل
ماهوب عود. اعرف ولا عندنا شك=لكن يبي دفئ المشاعر تهلهل
قلبه خضر والى لمح جادل(ن) فك=وياخوفتي انه (لسدني)ترحّل
حيث الشتا صيف(ن)وغزالنهم لك=نرنع على جال البحر ما حرم حل
ما به خلاقين(ن)تربّط وتشبك=والا الفراوي لابسه عجز يقتل
والا حدر يم افطس الخشم سكسك=من يم جاكرتا لقا جوهم فٌل
فيه الصبايا من عنا الحر تحتك=ما تنتظر رقم المبايل على التِّل
سنعوس جاوبني وانا لازم اسمعك=وارسل رساله للشريف(العلم)قل
عجل ترا لك فقده الكل ناطرك=وابو أنس طال انتظاره ولا مل

ان كان تنشد عن رفيقك وتوأمك=ماني بأبخص منك ومفروض أسأل
كانه شريف الأمس خبري محنك=يطيح واقف دايم الدوم ما أختل
واللي أعرفه عنه من دونه عنك=ويجلس على نصف القمر ويتأمل
ولا اظن له بالفطس شف يتحرك=ولا لسدني طار والا ترجل
وفي ظني انه من قريب يفكك=ولا يقدر يفاخت ولو راح مادل
شكله غريق ومن عنا الشوق به تك=ياكود تلحق صاحبك لايتسهل
ويروح فيها عقب ماهو متكتك=ومن عقب ماهو يقطع البيد مامل
أما أنا ياصاحبي دكني دك=شيء يسمى العشق منه اتزلزل
وانت تعرفني ياسعد بالهوى سك=وحظي مع الخفرات دايم معطل
ولازال تعبيري يجي باللغه رك=وكل الجمل بالحب مني تسلل
ماني من اللي طاوع القلب وافتك= ولاني من اللي عانده ثم تحلل