[الغريب]

المشاركة الأصلية كتبت بواسطة شموخ سدير

السؤال
وش أكثر شي تحبه المرأة ؟
^
^
^
^
^
^

هذا السؤال صح ؟؟؟ طيب انتم ماحددتوا وش تحب في الرجال والا في الحياة والا وش تحب تروح له اكثر


طيب اكيد الوحده بتحب اللي يقدر الاشياء اللي تحبها ويمكن يشاركها هذا الحب بالعكس ممكن بعد انه اذا سوى لها مفاجأه والا شي الاه من النوع اللي تحبه وهو بذلك لو عطها ورده وتذكر مثلا يوم زواجهم هنا بيملك قلبها
وممكن بعد الوحده تحب انو زوجها يمدح اي شي تسويه سواء من طبخ او من اي شي حتى ولو شاي ويقول لها يعطيك العافيه يا ..... << من كلمات الحب اتوقع انها لويطلب من هنا اي شي بتسويه بدون اي تفكير
واكيد بتحبه اذا دق يوم عليها وقال لاتسوين غدا او عشاء مابي اتعبك او او او من الاعذار ويجيب الغداء معاه انو يبي يغير ومايبيها تتعب

فيه اشياء كثيره وصغيره مره ممكن الواحد مايحسبها شي بس اثرها كبير

مثل الزوجه اذا دخل زوجها يتروش وطلع وشاف ملابسه مجهزه ومعطره هنا اكيد بيكبر غلاها

بس الحب اساسا بيكون بينهم لان مافيه واحد ووحده بيتزوجون ومابينهم على الاقل تفاهم

عشان كذا مانقول بسبب هالشي يكون الحب لا بس ممكن بالاسباب هذي يتحرك الحب ويكبر

او يزود الغلا بس الحب موجود




هذا رايي

حلو ياشموخ ماشاء الله عليكي

كلام منطقي و واقعي جداً

هذا وانتي توك بنت صغيرة السن طيشانه>>>> امزح مو تزعلين

بصراحه اقتبست بعض كلامك وقلته لابونديم قالي انت قربت طبعاً ما قلت له

هذا حكي شموخ سدير خفت انه يحقق معي ،، منهي شموخ وش تقربلك ومن ها الحكي

بس كلامك قريب جداً من الحل يعني تقدرين تقولين بنسبة 50%

طبعاً كلامك كان قريب من كلام ابو عمار


بس تدرين ياشموخ ومن خلال تجاربي الخاصة والعامة

حتى الكلام الحلو مايرضي طموح المرأة كثير،،،المرأة سبحان الله مخلوق عجيب

وغريب

شكرا شموخ