عزي لقلبك عزي=مالك سند ومعزي
من يوم طاح وفزي=للي بعينه خزي
لابد ولك متوزي=حالتك انشهد حاله
ياصاحبي وشلونك=ليتك تغم عيونك
ولاتجر لحونك= ياكود مايوحونك
بشباكهم يرمونك=صيده وهم حياله
سحرالعذارى باتع=متلف وحدّه قاطع
بالساطع اوبالدامع=اوبالصقيل اللامع
والزين فيهن جامع =وانتا وانا مياله
يابو يزن ياحليلك=وانتا معك منديلك
تشكي ولايوحي لك=واتخيله يومي لك
يقول حيلك حيلك=ذا الحلم انا باغتاله
وش حيلتك وش نوحك=الى جهدت ببوحك
وابديت له منضوحك=ولا التفت لجروحك
أودى بلاك بروحك=ذا الهم من يشتاله