[هاجس نجد]

المشاركة الأصلية كتبت بواسطة منتظر

ياخلي من المشاعر ترى كلي شعور=جذوة الاحساس ماهيب مثلك طافيه
في غيابك كل ماغبت يكتبلي حضور=غب وانا موجود بين السهر والقافيه
للقصيده في غيابك عن الانظار نور=وان حضرت اوقفت نزف الجروح الخافيه
خلها في غيبتك كل احاسيسي تثور=ثورتي لو فجرتني قصيده عافيه
خلها تنثر شذى ريحها مثل العطور=خلها توقض من النوم عيناّ غافيه
استمر بغيبتك واتبع اشهورك شهور=والنفوس من الجفا والتجاهل صافيه
والثقه في النفس كانك تسميها غرور=للثقه عما سواها اثياب ضافيه
وانت مهما كان مريت في عمري مرور=واعتبرت المده اللي مضتلك كافيه
اشتريتك بالغلا واحسبنك ماتبور=والنفوس الوافيه قلت تبقى وافيه
احسبنك طول عمرك على العشره غيور=وان احاسيسك على حسب قولك دافيه
واثرك اللي كل مافيك والا قلت زور=نافياّ عنك الحقيقه بلام النافيه

الشاعر المميز / منتظر
صح لسانك مليون
حاولت أقتبس بعض الأبيات وجدت القصيدة من أولها لآخرها ممتازة
ماشاء الله عليك يا رائع
تقبل إعجابي وتقديري
أخـــوك
هاجس }{ نجـــــد