[الطامي]

المشاركة الأصلية كتبت بواسطة ابو زياد

السلام عليكم ورحمة الله وبركاته
اخواني واخواتي الفطاحل
اضع هذه المتواضعة بين ايديكم املآ انت تجد القبول
من سمو ذوائقكم المميزه

انا ماني من اهل اعلى المراتب=ولي مثل البشر بالنقص جانب
ولاني واصل قدر الصحابة =ولاحققت انا كل المطالب
واعرف اني على نفسي مقصر=تحاسبني واعاتبهاواحاسب
ولكن لي عليها عهد وافي=يبعدها عن دروب المثالب
وانا بالرغم من هذا وهذا=عزيز القدر مادست المعايب
ولا دنست انا ثوبي بعيب=ورجلي مامشت مع كل خايب
احب الطيب انا من صغر سني=وصار لي الوفا طبع وصاحب
وكنيت الطهاره في ضميري=ونقيت الصدر من كل شايب
حفظت عهود ناس عاهدوني=ولا بيحتها لدنى القرايب
ولا اعاتب رفيقي كل مااخطا=يضيع الود لا كثر المعاتب
وادور له معاذير تشيله=وترفا قاصره من كل جانب
الا وااشيب عيني من زماني=صروفه شفت انا منها عجايب
عسى الله يجبرالقلب المعنى=يجيره عن كبيرات المصايب
وعسى ربي يجملني بصبر=ويرحم عبده الي جاه تايب

والعذر على القصور

ابو زياد
في قمة الروعه
صح السانك ولاهنت
بدعت فاجدت فأبدعت