[داعي الشوق]

انا اللي خطير بالدرك يا نعيم العود = ليا صار مالي في فؤادك محنيه
من اسباب هجرانك وصل يومي الموعود = ولا عاد لي روحه ولاعاد لي جيه
أناجي خيالك في الدجا والعباد رقود = تربع بي الاحلام وارخي سناويه
الا يا نحيل الخصر يا غاية المقصود = حرام عليك اتفتت الريش بيديه
ابي راس مالي كان تسمح ولا ابغى زود = نهبت الفؤاد وليتك اترجعه ليه
صحيح العذارى للمولع تشيل افرود = واسلوبها التعذيب بالجمره الحيه
ولا للبنادم كود ما يكتب المعبود = ولو كان يجري كل صبح وعصريه