اخي الفاضل والقدير/ فلاح بن منشار
هلاااااااااااااااااااااااابك ملاين وتواجدك هنا يعني الشي الكثير حفظك الله ورعاك
بالنسبه لقصائد والدي حفظه الله وشافاه كثيره ولاكن ابشر بطلبك بهديك واهدي اخواني واخواتي شي منها
وللمعلوميه والدي له اسم يشتهر به وهو (( جوفان )) واسمه الحقيقي سعود محمد العيد
آلا يامال قلب ٍ لا عذلته ما يطيع الشور=عذلته عن طريق الغي واثار القلب ميلافي
انا اللي صابني ياسعود باسباب الغضي عاثور=تسبب لي هواء بالي سعى بالموت واتلافي
آلا يامسندي سالم افيدك كان اتطيع الشور=تصبر واصطبر باالله ترى بالصبر تستافي
انا اللي لي ثلاث اسنين وحالي يالفتى بحدور=سبايب والسبب غرو ٍ بدى بالروح قطافي
آلا واشيب عيني يوم شفته تنقل الدعثور=ثليله فوق متنينه تعدى ناب الاردافي
آلا ياعين حر ٍ رافين عشه براس القور=آلا وخديدها البارق ثمانه بيض ورهافي
آلا والملح والقبله بخده كلها منثور=يازينه لاقبلة يمك تشوقك لاعطة قافي
**(((( ســـــلام واثــني ســــلام ))))**
سلام واثني سلام=سلام واثني سلام ..... للي حكم نجد كله
عبد العزيز الامام=صخر جميع القبايل.....حرب العدو ما يمله
سيفه يقص العظام=واللي طرد عزتي له.....دايم قلبه بذله
عيت عيونه تنام=يخاف من شيخ نجد.....سيفه بيمناه سله
الله يعزه دوام=عسى السعد لابن مقرن.....دايم وهي هابتله
ونشوفهم كل عام=حرار نجد نشوفه.....كل على ماكرن له
دخيلهم ما يضام=غرب وشمال وقبله.....مراكز وعسكر(ن)له
لاجاء نهار الكتام=بلجيك وحس المشوك.....مثل البرد يوم هله
ملحه سريع الولام=وتشوف جدع الجنايز.....بالكوم لاجاء محله
تمت وختم الكلام=صلو على محمد اللي.....وسط الحرم مسكن(ن)له
هذه ترحيبة بسمو امير منطقة حائل الامير /سعود بن عبدالمحسن
كتبها والدي الشاعر /سعود محمد العيد ((جوفان))
قال من يختار من زين المثايل=يبدع القيفان والعالم تشيله
قايله باميرنا اللي طب حايل=مرحبابه عد ما هلت مخيله
مرحبا ياسعود يا وافي الخصايل=يوم شرفت الجبل كثرة نزيله
عند قصرك يالاصيل ابن الاصايل=واجتمعنا بين سلمى والرعيله
المحبه والموده له دلاايل=صاحب المعروف ما ينسى جميله
جدكم سيد العرب وابو العوايل=من يظيمه ظيم لازم يجيله
هذه القصيده للوالد وهي رد على قصيده الشيخ سالم الحماد رحمه الله((جزء من القصيده لايحظرني الباقي))
عندما قال:
آلا يامل قلب ٍ للموده وارد ٍ شفقان=على عذب الوصايف يابو نوره باح مكنونه
آلا واشيب عيني من فراق الترف ياجوفان=آلا وآكبر جرحي كان خلي حيل من دونه
رد الوالد بهذه القصيده
آلا يامن على طرد الهوى قلبـه خفيـه بـان=تبيـح سـده الخافـي علـى قيـل ٍ يشيلونـه
انا مالومك ياسالـم تضييـم مشفيـن شفقـان=آلا يالله لا تقطع رجا اللي يرجـي مضنونـه
انا مذهـب وادرور واترجـي يالله العقـلان=خلوجن خلت الحاشي تـرزم يـوم يخفونـه
صخيف الروح وما يذكر ولا عمره دخل برزان=خفيـن خافيـن زولـه خفيـن مـا تعرفونـه
آلا ياعنـق ريـم ٍ لـو تبيـن قايـد الغـزلان=تغطرف والعذراى كلهـن مـا لونهـن لونـه
تظيم ضايمتك الحال وانا حالي كمـا العيـدان=عليه الحال والحليه غرامـه صافـي ٍ لونـه
وهنالك المزيد ان شالله سوف تجدها في الفطاحلة
لك ودي وتقديري
اخوك
حمد العيد