[عبدالعزيز العقيدي]

كتبنا في الهوىوأنتوا قريتـوا=** و طرزنا لكم شوق وحنينـا
فلـو لا الـود والله مـا كتبـنـا=** ولو لا الشوق حنا ما هوينـا
ولا خبت على ظهـور المطايـا=**طروش أشواقنـا للمغرمينـا
لأجل عين الذي نرغب هواهـم=**لهم سقنا الرضا لو ما رضينا
عزاز وقصدنا نكسـب رضاهـم=** ولو كل البشر تزعل علينـا
ولكـن الهـوى والـود نقـمـه=** وحكم الشوق خارج عن يدينا
تحيـر بأمـر مـا تقـدر تنالـه=**ويتعبك العصي اللمـا يلينـا
أذا حشرقـت مـن آه التمـنـي=**وتوهت اليسار مـن اليمينـا
ولا لك من يكـف الشـر عنـك=**لك المولى على البلوى معينـا
وأنـا لـو جيـت دار يسكنوهـا=**حبايبنـا يهيجنـي الحنيـنـا
تدكرت الزمان اللي مضـا لـي=**زمـان فيـه كنـا عاشقينـا
رمتنا من صروف الدهر حوبـة=**سلوا عنا وحنـا مـا سلينـا
تردد بصدى الماضـي صداهـا=**وأحس أنفاسها هبـت علينـا
لها ذكرى جميلـة فـي خيالـي=**أذا مرت على الخاطر بكينـا
و تبكيها الدروب اللـي مشتهـا=**و فريج فيـه وياهـا ربينـا
ونياح شمـوس صبـح جمعتنـا=**ونحيب بدورها حسرة علينـا