[الأموره]

إنتظرتك..
شاب وجه الليل مني.. وإنتظرتك..
شح خد الشمس عني.. وإنتظرتك..
علميني.. طمنيني..
لو بكلمه.. لو بنظره..
تعني إني.. ما خسرتك.!!
.
.
.


أخاف تسافر.. تغادر..

وتنساني..

وتتركني على حطة يد أحزاني..

وترجعلي.. تدورني..

ولا تلقى سوى ظلي..

نصب تذكار..

لعاشق كم وقف منهاااار..

رمته أقدار..

لعيونك..

وعن عينك رمته أقدر..

وصوت مال..

مثل أطفال..

ودمع ما حفظ أسرار..

نسيتيني؟؟!!..

أنا نفسه وليد اللي حظن إيدك وقبلها..

أنا نفسه وليد اللي ركب صعبه وذللها..


أنا اللي يعرف أخبارك..

أنا اللي يعرف أسرارك..

أنا اللي يعرف علومك..

من أقصاها إلى أولها..

عيوني, إبتساماتي..

جنوني, تمتماتي, صوتي اللي كان كل أهلي..

حسبت إن ما أحد قبلي..

عسى بس تعرفون إني زهمت ولا أحد رد لي..

عسى بس تعذرون إني عشقت بصعبي وسهلي..

عسى بس تفهمون إني غلطت فطيبتي وجهلي..

عسى بس تغفروا جهلي..
.
.

رميت أغلى ظنوني لبحْر ولا رجعلي شباكي..

تركته وإلتفت شمال..

تلحقني..

وناداني..:

عد يا طفلي الباكي..

تنهدت ورجعت أطلب

عيوني, دفتري, شباكي..

تبسملي.. وواساني...

وحكاني بكل اللي حكوله عن حكاياتي..

وصارحته..:

ألا يا بحر والله ما بقى مني سوى الأوجاع..
تعبت أدور لصورة لوجهي في مراياتي..

تعبت أشهق تناهيدي وأزفر دمعي المرتاع..
تعبت اسأل نهايتي متى كانت بداياتي؟؟

تعبت أجامل غروري وأقول إني بعد ما ضاع..
ولا شفت الحزن مره ولا تهت بمتاهاتي..

تعبت أضوي شموعي حلم وأصحى اشوف شمعي ماع..
تعبت أستنزف سنيني عمر وأهديه دمعاتي..

وربه لو يغص الجرح بدموع وهالأوجاع..
ولو تحرق مسافاته عيوني وكل خطواتي..

لأضل أمووووت بترابه.. لأضل العاشق الملتاع..
لأضل أدعيه ولو يطغى..على كلماتي سكاتي.!!


تسامحته..
وودعته..

ورحت ألملم شباكي!!..
ورحت ألملم أشواكي.!!


منقوول