لاصار ذا وضعي وهاذي علومك =اجل ترا مثلك مع الناس واجد
احوم حولك لاتذكرت حومك=واثري فدائي واحسبنك مجاهد
وتبي صحيح القول والله مالومك=مبداك مع مبداي مهوب واحد
انا ليامن قلت ذا اليوم يومك=لقيتني لاضامك الوقت جامد
ولاساومت بك سود الايام اسومك=سومات سكرت عز في راس فاقد
كم جيتني تشكي وتشرح همومك=وكم صرت لك في ساعه الضيق صامد
وان جيتني محتاج رحت بلزومك=تشهد لي الايام والرب شاهد
مغتر في شكلك ولمعه هدومك =وسعيد يامسعود مهوب حامد
بالموقف الغصاب ضاعت عزومك=بانت حقيقت معدنك للمشاهد
بكره مع الايام من عز نومك=تصحاء وانا موجود غير متواجد
دور تحت رجلي مع القوم قومك=وانا براس طويق وطويق راكد
وان سولفوبي فالمجالس رخومك=قل موت يامقهور وهجد ياحاسد
وقل للضعيف اللي سلومه سلومك=ياقلكم بالعين لوكان واجد
كيبورديه قهر فالرجاء المعذره