[الطائر المهاجر]

وانا ترى قلبـي خضـر كالقطيفـه=يهوى الجمال آقول هـذا ولااخـاف

هذا اعترافٍ واضحٍ بالصحيفه = ومن قبلها تنكر وبالحكي لفاف
مادام شاعر فالشعر له سفيفه = مثلك مثل غيرك فلالوم وخلاف
ومابه عسيب ما تحرش بليفه = ولا ليفة إلا لها شكل واصناف
البعض بشعه لا قربت مخيفه = والبعض ناعم تعكس النور بالصاف
وانته تبي الناعم وتصبح وليفه= يسحرك من طرفه ومن هزة ارداف
والطير ما يدري عيونه كفيفه = يومن تبرقع بعدها ما بعد شاف