ليه عِطرِك يوم غبتي ما رحل عني وجاك = وليه ما ودّك من انفاسي ومنّي تاخذيه
ليه يرسم لي ملامح صورتك وانتِ هناك = لين صِرت اشوفلك في كل شي حولي شبيه
انقضى عمري وانا والعطر باقي في رجاك = علّميه ان كان مايدري دخيلك علّميه
علميه اني بدونه ما أحس اني معاك = واني اكذب لو أقول اني كرهته ما أبيه
وعلّميه ان الخفوق اللي سكنتي ما نساك = من شرايينه إلين آخر حدوده تحكميه
ليه عطرك ما درابه ليه عطرك ما نهاك = ليه عطرك ماشفع له يمكن انك ترحميه
كان ما يشعر بلهفة خافقي لامن طراك = بقنعه يرجع ولا منه رجعلك سامحيه
الخطا ماهو خطا عطرك ولا ظني خطاك = الخطا من قلبي اللي يعشقك لو تذبحيه
أسألك بالله خلّي خطوته تتبع خطاك = وان طلب يبقى معي فالله يعينك غيّريه
يحسب انه يوم جا عندي وما جالك عصاك = واحسب اني لو تجاهلته قدرت اكذب عليه
الاخ الشاعر القدير
صوت الاحساس
علي بن مساعد الغامدي
صح لسانك نظم رائع وعطر رائحته زكيه رغم الالم
ابداع وتفاني في انتقاء الكلمات حتى في الخيال الواسع بين حنايا ضلوعك المرجانيه
انت تعزف ونحن ننشد يا علي
لن اطيل يبقى الكلام في داخلي الكثير انت تستاهل الخير يا ابو سجى
تقبل تحياتي وتقديري لك