[سهيل الشمري]

عفوا عن الهذيان

ربما بعض المواقف تجبرك على فعل هذا

حِلّ عني ياقليل الفود وارحل عن دياري =خلّ بك عِرْف وتشيّم عن مناقيد ومهونه
داري مكرّم جنابه عِن رخمها والخضاري =زامت الكبد بوجود اللي تزعّم للعفونه
الهوى باللي يعسْف الطيب حرٍ من ضواري =ساس عزٍ لانْتخيته قام يِجْزِل في هتونه
هو هذاك اللي به اروى هو جباري بانكساري =وهو عدال الحال لاهْتزّت بدنيايا ركونه
مسندي حزّة زحامه زِنْدِي ان جت بانحداري =سيف باتر لازهمته والعهد لا مايخونه
فيه فرقٍ عنْك يابْن المصلحه فيه المذاري =فارقه فرق رمضانٍ عن شهورٍ يحسبونه
أبْعد ودوّر صحيبك دام به مثلك مواري =لايقينٍ بالرّديّه والمواجب تِنكرونه
جمّل الله حال وقتٍ ميّز لحرّ وصباري =بيّن نحاسه عن عيارِ ثقيلٍ يشترونه
وبيّن السيف المشذّر عن دثيرات الشباري =يرحمك وقتٍ ندهتن قبل ماقاسي جنونه