[متعب المينيح]

هو ليه تجرحني وانأ منك مجروح=هو ليه تسرف با الخفوق الحزينا
هو ليه تجفا ألصاح من غير مصلوح=هو ليه كثر الجور رفقك علينا
هو ليه بعت الود يا سلوت الروح =هو ليه ما تلعن بليس ألعينا
هو ليه تعطي غيرنا هرج و مزوح=هو ليه عطيهم وحنا عطينا
هو ليه محت القلب يا صاحبي موح=هو ليه قلبي محتفظ بك ضنينا
اشكي وأداري وتحمل ولا بوح=طالت علينا صدتك ما شكينا
يا مترفة يا غالية يا ويا يوح=آما نزلي ولا عليكم رقينا
طحطوح من يعشقك يا بنت طحطوح=يضرب على القاسي وغصبا يلينا
يجي على طار الغلا غصب ويروح=يرقب بعين يخيل زوالك بعينا
عينٍ عليك وعين ما تأمن الضوح=أخاف من حسادنا يا الضنينا
يوم إن مالي في هواء الغير مصلوح=عن حب غيرك يا الغلا تأيبينا
لك بين سجاتي وغفواتي صروح=بقصا خفوقي يا ما يا ما بنينا
ويا ما ويا ما مسهرٍ طرفي النوح=لا حلبي طاريك زاد ألحنينا
ترقد وأنا دمعي على الخد مسفوح=ما حلبك يا صاح ما حل فينا
ما همت ما تيمت تخطي ومسموح=ويلا ه ما جارت عليك ألسنينا
سر الغلاء لو طال يا الترف مفضوح=يبقى علامة تنوسم با ألجبينا
تبقى علامة يا مدلع يا مملوح=رسمٍ على العشاق غصبٍ يبينا
رسمٍ على العاشق فقط وله ممنوح=خل الطبيب وسايل مجربينا
أسئل وتلقاء لك من الناس مجروح=في كل وقت وكل ساعة وحينا
وأنا شكيت ونحت مع نايح الدوح=وشاركت من شاركت جر الونينا
وهمت إنسقّمت إنضمت ولحين مطروح=عليل حب الترف صافي الجبينا
عليل شوق ٍوذوق والخافق يفوح=يا شين لا تسرف بحالي يا شيّنا
ما دام با قيلي من العمر ناضوح=بصبر ترى ربي مع الصابر ينا
منصوح عن طرد المزايين منصوح=وان كان ما الله عان مالي عوينا
صحيح ما يكتب مناتي على ألوح=جاري رضينا يالغضي ما رضينا