يارب مالي ملتجـى ماغيرعفـوك ياجليـل
روحي عسى في جنتـك ياربنـا منزالهـا
عاصي وذنبه متعبه خايف من اليوم المهيل
ألطف بنا ياربنـا والنفـس تـدري حالهـا
لا غيرك انت الملتجى ساقي عبادك سلسبيل
والغيم بأمرك يجتمـع ثمّـن يهـل خيالهـا
أكرم كريم ٍ بالبشرمهما عطى يصبح بخيـل
جـل وتعالـى ربنامايـمـد الاّ جزالـهـا
فعلا ً إذا قالوا ترى الوقـت لابـدّه يميـل
الوقت كنّه شجْرت ٍسرعه يـزول ظلالهـا
ومهما سلينا بالحياه لابد من يـوم الرحيـل
كم من عجوز ٍ قد بكت في موت كل عيالها
ياليتنا لو نعتبر بالمـوت والحمـل الثقيـل
كـان إنتفكـر باللحـد نبينـا قـد قالهـا
دنيا ً مجرد عيشها لاشك تحصيل الحصيـل
تلقى العمل في ناظـرك دقاقهـا وجلالهـا
أحد ٍ ركض وسط الحياه ومالقاله من دليـل
ناسي ماحسّب للعمل ماغير يجمـع مالهـا
بكرى رصيدك هوعمل واكفان والطين القليل
تبعد زخارف تضمحل ويطيح مـن يرقالهـا
انا اشهد انك صدقت ويالله حسن الخاتمه
صح لسانك اخي الشاعر عبدالكريم
لاهان را سك قصيدة رائعه
سلمت وسلم شعرك
دمت بخير