سلام من الصريح اليا حضر غاب الرجيم أبليس=حضرنا حشمة الربع الكرام ولجل أبو مياس
سلام فيه يشموم الجنوب وعطر أهل باريس=يعّطر جو خلان الوفا مع هبة النسناس
انا فارس وللشعر الحقيقي في البلد فريّس=ولااقول اني اقدر بالقصيد ارضي جميع الناس
يساعدني على قطع المسافه صوت حاد العيس=ولوأني خلاوي كن من حولي عرب ووناس
ولا أسمع في كلام العالم اللي يطبخون الفيس=كما قال المثل مابه مرق ياطابخين الفاس
وأقول الشعر ياشعار مايحتاج له تدريس=فقط يحتاج هذا اللون فكر وموهبه واحساس
من الافضل قبل تبداء المسافه وتعبرها قيس=ترى عمق المسافه يارفيقي يتعب الغطاس
وانا ماني بحب اللي يصرون الذهب في الكيس=أعاشر عالم مايصرفون إلا الذهب والماس
علينا نرفع أسم الموقع ونهتم في التاسيس=ونمشي في طريق اهل الهدى ونعلق الاجراس