[صنداح الزلامى]

المشاركة الأصلية كتبت بواسطة الطائر المهاجر

اما معي والا ترى فانت ضدي = منطق عوج ما يتفق والحضاره
يرجع بنا لايام جدّك وجدّي = وقت الجهل والثار يرفع شعاره
واليوم غير الأمس في كل بدّي= كلٍ تعلّم كيف يرسم مساره
وان كان بعض الناس عقله مصدّي= عايش بفكرٍ انتهى بانحساره
لا من نخاه الصاحب اللي مودّي= يركب معه موج الجهل باختياره
ويمكن معه من يخدعه زيف سدّي = تاخذهم النخوه على ادراك ثاره
صاروا سلاحه في هجوم وصدّي= متحكّمٍ فيهم بطرف الإشاره
محدٍ عطى للعقل لحظة تقدّي = ولا حدٍ تفهم قبل يصدر قراره
ولا من درى الواحد بساس التحدّي= يلقى خويّه من بدا بالشراره
يخسر كثير بدون حصر وعدّي= ومن ورطّه ما يتقي شر ناره
اكبر خطر نخوة حمق ما يهدّي= ياخذه حمقه في متاهة بحاره
ورجلٍ عطى عقله لغيره بجدّي= ماهوب رجل ولو جلس في الصداره
لا من بغيتَ تنفع اللي تودّي= مادامه احمق فاعدله عن مساره
بالنصح والتوجيه من دون شدّي= ولا يجرفك سيله معه بانحداره
لكن ترى تركه هو اضمن مردّي= من رافق الأحمق خسر كل غاره

الشاعر الدكتور عثمان العبدالله

اخي ماهي قصيدة ماهي الا نادرة من نوادر

الشاعر ابو عبدالله والتي تعودنا منه هكذ ا نوادر

اقول صح الله لسانك وكفنا الله شرك ماتنتجارى

شاعر حنكة وحرف صامل تقبل تحياتي واحترامي

لك ولشعرك العذب